Misteri Hantu Sulastri

Misteri Hantu Sulastri

Petualangan Indigo - Koyo biasane nek ono jeneng seng podho ya mohon di per sory. Crito petualangan indigo apike nek le moco wayah bengi dadi luweh seru.
Mangkat mancing sidat boncengan karo koncoku, lokasine ora adoh ming mburi rumah sakit wates. Wektu kui iseh peteng durung akeh lampu, seng mancing yo isih jarang. Aku uncal plung tunjung tak tancepke klinting tak pasang cress bul bul (red:merokok) jian demes banget. Koncoku uncal sebelah ngisor jarak seket meteran.

Wektu kui bar udan mulo banyune butek pas banget nek nggo golek iwak sidat, ning yo kui lurrr hawane jian adem bingiiiitt. Wes meh entek sak udutan klinting blas ra muni. Opo salah le tuku klinting yo lurrr. Padahal leku nembung " tumbas klinting seng munian ..! Wkwkw... Nek sepi gondolan ngene iki jian marakke boros udud jeee...hedehh

Aku njuk namatke kiwo tengenku dasare selo raono gawean rong ono tanda-tanda...wkwkwk. Samar samar neng sebrang kali tak delok yo ono wong mancing po yo..? nek wong pacaran dudu wong ming ijen arep tak senteri mengko ndak sengeni. Nek ndelok blegere genah wong wedok .
Ning yo termasuk kendel wong ming ijen..
Gandeng ra di senggol blas, suwe suwe aku yo ra betah, aku njuk pindah ngisor marani kancaku " piye wes di pangan durung ? "
kancaku ming gedek...
waah podho....neng kono mau yo blas tanpa sentuhan je..! Ning mbuh mbak mbake seng mancing kae wes oleh durung !.
" mbak mbak endi to ? " takone koncoku ..
" lha kae lho mosok kowe ra wiruh ..!"
Koncoku njuk njikuk senter di tlorongke ..nggon seng tak tunjuk " endi ..?" Jare kancaku weh tenan je lur wong gogok mau wes ra ono ..! Nek pindah ra mungkin kok cepet banget. Wes jelas ono seng ra beres iki.." yo pindah sebelah ngisor wae !"...tenan lur pindah sebelah ngisor mlumpat ril sepur njuk koncoku uncal neng cerak kandang sapi aku isih medun meneh nggon mbulak jembatan culik ngisor pabrik tempe. Wes uncal neng kono ijen...plung....cres bul bul... (red:merokok)

Ora let suwe hakok ono kabut medun putih nyawang jarak limang meter we senter ra tembus. Hedehh saking ademe nek iki lur, aku malah dadi mengkorok ..hakok jembatan cilik seko cor coran semen seng tak nggo mancing kraso geter koyo nek nggo liwat uwong ...hedehhh.... Teb tak betah betahke ketege jantungku soyo banter.

Wuluku mengkorok aku wes waspada, mancingku wes ra tenang..hakok tenaaaan, bareng noleh kyaaaaaa....! Jejer seblah kiwoku jian ceto welo welo nek iki wong wedok wes ngadek namatke aku. Raine putih pucet matane ireng. Gage nyaut walesan mlayu njrantal....hedehh....ro bengok ..bengok nggoleki kancaku.

" peeee....ono..peliiiiiiiii....ono peliiiiiii...pe
riiii.....! koncoku yo malah melu bingung...." wes muleh wae pee...!". Ha ngopo....takone kancaku..?

Wes rasah crewet bali wae, nek ra koe tak tinggal omongku karo nyetater motor. Kancaku gage gage mbonceng werrrr. Bablas ngetan bali mulih raoleh iwak blas.

Bareng tekan omah nggodok banyu teaknggo adusbnek kelingan jian nggilani tenan. Wediku ki njuk nek ngetotke teros. Bar adus mlebu kamar hakok kyaaaaaaaaa...............! Seng tak wedeni kok kedadian tenan ,hedeh perine wes ngadek neng pojokan kamar hedehh. Andukku seng tak nggo sarungan tak nggo nutupi raiku. Hedehh ra kelingan nek aku wudo mblejit. Saking wedine tolur dadi ratak gagas...hhhhhh.. Wes mati kih aku, sido di kerah demit batinku...hhhh. Tak injen seko anduk seng bolong maklum lur andukku wes tipis rodo amoh.

Jebul perine isih ora lungo malah soyo nemen le ndelok...hedeh. Yo uwes awakku langsung lemes njuk nggletak neng dipan. Wes anane ming pasrah ro pasrah aku lur, arep diapak apake manut. Ha piye meneh karang wes putus asa aku lur. Aku nek ngadepi ngene iki cen gampang menyerah kok lurr, arep mlayu dioyak yo mesti kecekel wong mlayuku ra banter. Arep njaluk tulung, aku neng omah ming ijen..hedehhh...
Seketika iku lur suasana kamarku hawane malik adem banget. "wes iki wektune mripatku tak rem remke ben bebas ndeknen nek arep nyokot aku. Arep seko ngisor po nduwur anane ming manut hhhh....dasare aku cah manutan.

Jan jane nek langsung di cokot we malah rapopo lur. karuan le ngrasake. Wediku ki nek ming malah di Mot opo malah dinggo dolanan disik hayo keri to lurr.. hedehhh... Malah dadi linu to kui, jal lha durung tau taune...je. Tak enteni kok ora kroso opo opo batin ku . Kok ming anyep, njuk tak wanek wanekke melek tak deleng perine malah mbegegek neng pojokan...hedehh... Peri kok pah poh, kurang ganas ngono lho lur selak ra sabar aku.

" piye to kih....sido arep nyucrup ora to...? Aku wes siap kih, wes mlumah pasrah.......!". Dewke malah koyo wong bingung njuk gedek gedek.

"Wesss.....tenan...mengko gelo lho..!..ngemot ngemot yo ora popo ?" Takonku karo ndredek wedi lor deknen ming gedeg gedek.." ah...mbok raaa ketang sitik ming nggo ilo ilo...!" Deknen le gedek soyo banter.." loh.m koe ki lak sek jenenge peri seng kondang gaweane nyucrup mbun mbunan kae to ?".. Deweke yo gedek meneh.." opo kowe seng jenenge wewe seng sok nyulik uwong? yo enyo aku culiken aku wes pasrah..! Opo kowe jenis sundel bolong? ning bolonganmu mbok delikke hayo ngaku! jal ndelok..! Deknen yo gedek...hedehhh

" Lha kowe ki bangsane opooo? hies jian..!" Tiwas leku tegang wes temenanang.! merinding tenan lur..
"Dadi kowe raiso dadi gede njuk mangan aku ?"..deknen gedek. Wah jian tiwas aku gilo tenan hhh... "tenan iki....rasido..... ! tenan...?? Katokan lho aku....mengko san aku katokan malah njuk sido....hies jan mbingungke tenan oq kowe ki...!" Deknen tetep gedek hedeeeeehhh. Yo wes gek metu seko kamarku nek ra sido ming keno PHP kih. Aku wes tak katokan sik, bukan mukhrimnya...tauuuuk....! Asemik penak tenan dadi demit iso ndelok nggone sopo sopo hedehh. Deknen juk metu nembus lawang seng ra tak bukak.

***

Bareng wes rampung wewujutan wedok mau ngaku jenenge Lastri mbiyen ki yo uwong lur ming ono masalah seng arep di sampekke bapak lan ibune. Makane deweke isih gentayangan neng alam padang. Jane masalahe sepele aku di jaluki tulung kon ngandani bapak ibune kon mbongkar jobin neng ngisor lemari pakean kamare Lastri ndisik.

Aku di kandani alamate yo ming neng wates kok lur ,dadi ora pati adoh...
" yoh sesok tak paranane ning aku ra janji iki ketoke masalah sepele ning abot mergo ngeyakinke uwong ki dudu perkoro gampang..!" Lastri ngomong nek aku mesti iso nglakoni. Njuk sitik sitik ilang tak kedepke wujudte si Sulastri....hedehh.
Awane lur tak goleki alamat seng wes di wenehi si Lastri. Akhire ketemu omah model limasan lawas , platarane jembar pinggir dalan sisan. Wes genah iki omahe wong tak delok Lastri yo wes ngenteni neng kono. Aku njuk kelingan ududku entek , kebeneran ngarep omahe Lastri ono warung klontong.

" Tuuuuummmmbbbaaasss!"
Ngih nopo nggih..? Bakule metu njuk ngedoli
" nuwun sewu buu, bade tanglet daleme mbak Sulastri pundi nggih ? "Aku etok etok takon mastekke..bakule ketok bingung..
" wah mboten onten mas nek daerah mriki nami sulastri. Nek riyen ngajengan mriku enten mbak lastri ning sampun mboten wonten mas !" Aku etok etok kaget..
".Lha kinging nopo ?" ..sakit to mas pon dangu kok mas le loro niku meninggale nggih teng RSUD Wates mriku. Nek sanjange kengeng leokimia nopo nopo mboten dong kulo mas ! " Pon dangu nopo le sedo niku ?" Nggih awentawis kalih taunan nopo nggih lali kulo. Wong pun suwe banget ! Jare bakule. Nggih pun nuwon nggih, aku njuk moro neng omahe Lastri.

Singkat crito aku di temoni bapak ibune ketoke bapake pensiunan tentara nek ndelok poto seng di templekke neng tembok. Potone Lastri pas lulus sekolah yo ono. Tak critakke opo seng tak alami ora tak tambahi lan tak kurangi.

.eeeee....

Malah dadi geger dikiro aku arep macem macem. Dikiro aku tukang apus apus aku dionek onekke bapake entek entekan tonggo tonggo nganti do moro. Bareng tak jelaske nek aku ki ming arep nulung ora duwe pamrih opo opo. Njuk ketoke mboh dukuh po RT seng nengahi
" wes cobo di buktekke wae, nganti ora kebukti seret neng kantor polisi !"..
tenan lur lemarine lastri di geser jebul ono bekas jobin seng tetel njuk di keruk nemu kaleng bekas roti seng bentuke persegi....hedeh... slameeet..slamet.. rasido diajar wong kampung aku. Bareng di bukak jebul isine ming kertas kertas opo mbuh ora ceto.


Bareng di woco karo bapak mboke Lastri njuk do nangis ngglolo ting brengok.....hedehhh.... Lastri njuk mesem karo aku sajak lego. Aku njaluk pamit mulih wong gawean omahku yo akeh. Neng ndalan aku mikir opo yo isine kaleng seng jelas dudu intip wkwkwk..hedeh..ono ono wae.. Aku tros ngemek emek sak nggoleki udud, jilak kok ra ono. Berarti neng warung mau rung sido tuku udut to hedehh pantesan duwitku wutuh......

Anda telah membaca artikel dengan judul Misteri Hantu Sulastri. Semoga bermanfaat dan terima kasih sudah berkunjung di website Kaweden MYID.